पर्सा,३१ बैशाख –कोरोनाको कहरले मुलुक नै लकडाउन भएको बेला मौक़ा छोपी लागूऔषध गाँजाको तस्करी गर्ने दुई जनालाइ बारा प्रहरीले पक्राउ गरेको छ l लागू औषध गाँजाको तस्करी हुदैछ भने आएको गोप्य सुराकिको आधारमा आज (बुद्धबार) दिउसो १ बजेको समयमा इलाका प्रहरी कार्यालय निजगढ़बाट खटेको प्रहरीको टोलीले पक्राऊ गरेको छ l
इलाका प्रहरी कार्यालय निजगढ़को प्रहरी निरीक्षक बिकास थपलियाको कमाण्डमा खटिएको प्रहरीको टोलीले बाराको स्थित पुर्वपश्चिम राजमार्ग सडक खण्डमा सवारी साधनलाइ चेक जाच गर्ने क्रममा बा ३३ प ७८७७ नम्बरको पल्सर मोटरसाईकल सहित निजगढ नगरपालिका वडा नं.१२ रामथली बस्ने वर्ष २६ को सागर लामा र सोही मोटरसाईकलको पछाडी सवार रहेका त्यही ठाउ बस्ने वर्ष ४० को कृष्ण लामालाइ अवैध लागू औषध गाँजा १३ किलो ५०० ग्राम सहित पक्राऊ गरिएको जिल्ला परही कार्यलय बाराले जनाएको छ l
दुई जनाको बिचमा राखेको बोराभित्र लुकाई छिपाई राखेको अवस्थामा फेला पारी उनीहरुलाई पक्राउ गरी लागु औषध मुद्दामा सम्मानित बारा जिल्ला अदालतबाट पहिलो पटक दिन ७ को म्याद अनुमति लिई हिरासतमा राखि थप अनुसन्धान भई रहेको ।
अन्तिम अपडेट:२०७७/ बैशाख ३१ बूद्धबार
