काठमाडौँ ११ जेठ –मुस्लिम धर्मालम्बीहरूको महान पर्व ईद अल–फित्रका अवसरमा दिइने सार्वजनिक बिदा सरकारले सच्याएको छ । सरकारले यसअघि जेठ ११ गते अर्थात आइतबारका लागि इदको बिदा दिने घोषणा गरेको थियो ।
तर ईद पर्व सोमबार मनाइने भएकाले गृह मन्त्रालयले सूचना निकालेर बिदा सच्याएको हो । मन्त्रीपरिषदले आइतबारका लागि बिदा दिने गरी गरेको निर्णय सच्याउँदै सो बिदा सोमबार (जेठ १२ गते) दिइने गृह मन्त्रालयले सूचना निकालेर जानकारी दिएको हो ।
मन्त्रीपरिषदको निर्णयपछि गृह मन्त्रालयले ११ गते सार्वजनिक बिदा दिने भनी निकालेको सूचना शनिबार राति अबेर सच्याएर अर्को सूचना निकालेको हो ।
अन्तिम अपडेट २०७७/ जेठ १० गते-शनिबार
