काठमाडौं पर्यटन तथा होटल व्यवसायमा रमाउँदै आएका मनाङवासी पुख्र्यौली पेशातर्फ फर्किन थालेका छन् । कोभिड–१९ को जोखिमले व्यवसायलाई असर पु¥याएपछि यहाँका बासिन्दा पुख्र्यौली पेशामा फर्कन थालेका हुन् ।
पर्यटन तथा होटल व्यवसायमा निर्भर रहेका यहाँका बासिन्दा कोरोना भाइरसका कारण व्यवसाय ठप्प भएसँगै खेतीपाती र पशुपालनतर्फ लाग्न थालेको हुन् । पर्यटकले खचाखच हुने समयमा महामारीका कारण व्यवसाय ठप्प भएको छ ।
अधिकांश स्थानका मानिस अहिले बन्दबन्दीका कारण खेतीपाती गर्नमा तल्लिन देखिन्छन् । थोरै जनसङ्ख्या रहेको यस जिल्लामा चारवटा गाउँपालिका रहेको छ । अहिले चारवटै गाउँपालिकाका बासिन्दा खेतीपाती र पशुपालनमा व्यस्त भएका छन् । होटल व्यवसायबाट मनग्य आम्दानी भए पनि बन्दबन्दीका कारण पुख्र्यौली पेशालाई पछ्याएका छन् ।
अहिले यहाँका बासिन्दा चौँरी गोठमा चौँरीसँगै रमाएका देखिन्छन् । चौँरीका बाच्छाबाच्छी स्याहार सुसार र खेतबारीमा रमाइरहेका छन् । यहाँ गहुँ, मकै, करु, फापर, आलुजस्ता अन्नबाली उत्पादन हुने गर्छ भने पशुपालनमा चौँरी, भेडाच्याङ्ग्रा पालिएको हुन्छ । यहाँका बासिन्दा चौँरीको ऊन कात्ने, ऊनबाट दोचा, भाँग्रालगायतका कपडा बनाउने गरेका छन् ।
