काठमाडौं ।कोरोना महामारी नियन्त्रणका लागि सरकारले देशभर लकडाउन लागू गरेयता देशभर आत्महत्या गर्ने क्रम बढेको छ।
नेपाल प्रहरीको तथ्यांकअनुसार लकडाउन सुरु भएको चैत ११ देखि जेठ १७ सम्म देशभर १ हजार १ सय ५ जनाले आत्महत्या गरेका छन्।
तीमध्ये काठमाडौं उपत्यकामा लकडाउन सुरु भएयताको ६९ दिनमा ६९ जनाले नै आत्महत्या गरेको तथ्यांक छ।
यस हिसाबले काठमाडौं, भक्तपुर र ललितपुरमा औसतमा दैनिक १ जनाले आत्महत्या गरेको देखिएको हो।
